Nadugangan sang 22 ang mga COVID-19 cases sa Negros Occidental samtang duha naman sa syudad sang Bacolod.
Suno sa Department of Health Western Visayas Center for Health Development Case Bulletin No. 119 may yara sang pagdugang sa mga lugar sang: Bago City – 3, Binalbagan City – 1, Calatrava – 2, Himamaylan City – 2, Hinigaran – 1, Kabankalan – 3, Manapla – 2, Murcia – 1, Pontevedra – 1, San Carlos City – 1, Silay City -1, Sipalay City – 2, Talisay City – 1, Valladolid – 1.
Ang mga kaso sa probinsya sang Negros Occidental ang halin sa mga locally stranded individuals (LSI) samtang ang duha nga taga syudad sang Bacolod ang indi man LSI kag indi man repatriated overseas Filipino workers.
Sa record sang DOH 6, 37 sa kabilugan ang mga kaso sa rehiyon kon sa diin nagsaka na sa 894 ang total confirmed COVID-19 cases.
Sa sini nga numero 332 ang active cases, 546 (27 new) ang naka-recover kag nagapabilin naman sa 16 ang napatay bangud sa virus.
[image: image.png]
