Suno kay Negros Occidental Governor Bong Lacson sa interview sang DYHB, sanday Patient 3 kag 4 ang na-repatriate nga overseas workers (OFWs) ang nag-abot sa probinsya sang Negros Occidental sadtong April 14 pinaagi sa isa ka sweeper flight halin sa Cebu.
Asymptomatic ang duha kag karon na-isolate na sa isa ka quarantine facility sa banwa sang EB Magalona.
Si Patient No. 3, 38 anyos nga lalaki nga taga-Silay City ang naghalin sa Netherlands kag nag-abot sa Pilipinas sang Marso 24.
Si Patient No. 4 naman, 50 anyos nga lalaki nga taga banwa sang Candoni ang halin sa Finland kag nag-abot sa Pilipinas sang Marso 17.
Pag-abot sang duha diri sa probinsya, nagderecho ang mga ini sa quarantine facility kag wala nagpauli sa ila pamilya.
[image: image.png]
