SILAY CITY, NEGROS OCCIDENTAL – Gin-declare nga out patient ang 18 tanan ka mga pasahero nga nagkalasamaran matapos nakabunggo ang ila ginasakayan nga jeep sa naka-park nga salakyan sa higad sang dalan sa Brgy. Patag, Silay City kahapon sang hapon.
Ginpahayag nga may mga las 3 kahapon sang hapon, ang mga biktima ang naghalin sa isa ka malapit nga resort sa Brgy. Patag kag manugpauli na kuntani sang natabo ang aksidente.
Suno sa driver sang jeep nga si Edgar Lim, padulhog na sila sang nadula-an sang preno ang iya salakyan rason nga nagdesisyon ini nga i-derecho na lang sa nagapondo nga salakyan agud nga indi sila maglapaw sa malapit nga pil-as.
Ang mga biktima gilayon nga ginpangdala sa Silay City Provincial Hospital kag gindeclare man nga out-patient./dyHB BACOLOD
