NAG AKO | Pinay sa HK ginpamulta sang $2,000 sa kaso nga shoplifting

193

Report ni: Tita Jen Palomo Debaja

Tungod sa wala pagbayad sang pila ka grocery items nga naga balor $700, gin orderan sa Eastern Court nga magbayad sang multa nga $2,000 ang isa ka pinay sa Hong Kong.

Nag plead guilty sa one count of theft si Rosemarie Sano, 55 anyos, isa ka balo kag may 6 ka kabataan sang nadakpan sa akto nga ginsulod sa rucksack sini ang pila ka items kag wala ginbayaran.

Natabo ang pagdakop kay Sano sang Marso 27 sa Cyberport Fusion sang Park N Shop Supermarket sa Pokfulam.Likum sa ihibalo ni Sano madugay na sya gina panilagan sang manager sa nasambit nga supermarket kag sang tuyo ini mag saliputpot pagwa samtang wala nagbayad gin intercept gilayon sang security guard kag gintawgan sang police.

Nakit an sa bag sini ang isa ka pack nga sushi, isa ka body lotion, 4 ka oranges, isa ka pack sang mushrooms, 2 eggplants, 6 ka bilog nga avocado, isa ka pack nga vegetables, 2 ka packs sang underwear kag 2 ka packs sang medyas.

Ginpabayad si Sano sang $1,000 nga pyansa kag tungod sa iya nga clear record, gin kunsiderar sang hukom ang pamatbat sa iya. Dugang nga pahayag sang abogado ni Sano , isahanon ini nga gina suportaran ang iya 6 ka kabataan sa Pilipinas matapos nagtaliwan ang mister 4 ka tuig na ang nagligad.

Facebook Comments