BACOLOD CITY – Isa ka lalaki ang ginpa-pulis matapos nga ini siya ang nag-inom sa isa ka bar apang wala sang kwarta nga inugbayad sini gid lamang nga kaagahon sa Nueva St., Brgy.11, ciudad sang Bacolod.
Nakilala ang lalaki nga amo si Ernesto Pacheco, legal ang edad kag pumuluyo sang Pucatod, Brgy. Payao, Binalbagan.
Samtang, ang tag-reklamo naman ginkilala kay Nestor Gauzon, in-charge sang Blue Nile Bar nga nahamtang sa Nueva Street, Brgy. 11.
Suno kay Gauzon nga may mg alas 12:20 sini gid lamang nga kaagahon nag-inom sa ila bar si Pacheco apang sang ginhatagan na sang iya bill, wala ini sang kwarta nga inugbayad.
Nahibaluan nga nagdangat sa kapin P1,350 pesos ang balayran sang amo nga lalaki matapos ini nag-pinagusto order sang ilimnon nga nagalakip sang ladies drink bangud nga ini ang nag-table pa gali sang chicks./dyHB BACOLOD
