NAG-INTRA ANG TATAY | Tatay ginbuno ang kontra sang iya bata, patay!

SALVADOR BENEDICTO – Patay ang isa ka lalaki matapos nga ginbuno sang tatay sang iya kontra sa isa ka pagbinaisay kag komosyon.

Natabo ang insedente las 3 ang takna kaina sang kaagahon sa Purok Pakighiusa, Barangay Pinoyawan.

Sa pagpangusisa sang dyHB, nagbaisay ang biktima nga si Eddie Algabre, 47 anyos kag si Johnjohn, isa ka menor de edad.


Nag-intra naman ang tatay ni Johnjohn nga si Cerilo Garing, 50 anyos kag ginbuno nya si Eddie sa iya wala nga kilid nga gintunaan sang iya gilayon nga kamatayon.

Nagpalagyo naman ang mga suspek nga mag-amay matapos ang insedente.

Facebook Comments