General Santos City—luwas na sa kuyaw nga kahimtang ang 58 anyos nga lalaki human nadunggaban dihang iyang gisita ang duha ka mga lalaking nag away didto sa Purok 9, barangay Sulit, Polomolok, south Cotabato.
Ang biktima giilang si Zusimo Abria, 58, residenti sa samang lugar. Samtang ang suspek giilang si Reynante Apolonio, 35, residenti gihapon sa samang Barangay.
Alas 9:15 ang takna sa gabie sa nakalabayng adlaw dihang nag bingkil ang suspek nga si Apolonio ug usa ka lalaking ginganlan ug Jeg-jeg. Sila gisita sa biktima apan inay mupatuo, gidunggab nuon sa suspek ang biktima igo sa iyang likod.
Paspas nga misibat ang suspek sa wala sayring lugar samtang ang biktima gidala sa Pagalungan Hospital. Sa karon padayon ang imbistigasyon kalabutan sa maong insidenti.
