General Santos City—Kritikal ang kahimtang sa usa ka 27 anyos nga lalaki human gipusil sa riding in tandem samtang anaa sulod sa video-k bar sa may Ardonia Street, Barangay Lagao Gensan.
Giila ang biktima nga si Helario Torcuator, 27, residenti sa samang lugar. Ala 1:00 ang takna sa kaadlawon kaganina samtang anaa sulod sa usa ka video-k bar ang nasangpit naglingaw-lingaw kalit lang miabot ang duha ka lalaking nakamotorsiklo dayon gipusil ang biktima sa iyang ulo.
Dihang natumba na ang nahisgutan, giusban pa kinig pusil sa suspek sa ulo ayha misibat sakay sa ilang motorsiklo.
Dali usab nga gidala sa Dr. Jorge Royeca Hospital ang biktima ug kasamtangan pa karon nga giatiman. Personal grudge ang usa sa mga anggulong gitutukan karon sa Police Station 2 kalabutan sa insidenti.
