Nag-viral nga kawatan og cellphone sikop

Davao City- Nilusad og operasyon ang kapulisan sa pagpanguna ni Police Major Jake Goles, Sta. Ana Police Station Chief batok sa suspek nga nag-viral sa social media dihang naaktuhan kini sa cctv footage nga nangawat og cellphone sa usa ka motor shop sa Sta.Ana Avenue kanto Sobrecarey St., Brgy. 15-B, syudad sa Davao.

Sa eksklusibong interbyu sa DXDC RMN Davao kang Goles, gibutyag niini nga nakasibat ang suspek sa unang pagsulay nila’g penetrate sa Purok 7, Isla Verde, Brgy. 23-C, Quezon Boulevard, Davao City diin kini nagpuyo human nga gibabagan sa mga silingan ang dalan aron dili makaagi ang mga operatiba ug gipadagan ang nasangpit nga suspek.

Sa dihang gibalikan sa mga pulis ang area ug naabtang nagpataya ang suspek ug didto na kini nadakpan.

Narekober sa mga awtoridad ang duha ka mga kinawat nga cellphone sa suspek, kwartang gitaya last two, stub, ice pick ug replica sa pusil.

Sumala ni Goles kasong paglapas sa RA 9287 (Illegal Numbers Game), sa Omnibus Election Code ug THEFT ang atubangon sa dinakpan.

Samtang, gidakop og apil ang mga silingan sa suspek nga sila AMIELYN POTENCIANO SAUPIT, VINCENT PELIGRINO OBESO ug LIZA JALIL JAVOC ug kasuhan kini’g Obstruction of Justice sa kapulisan.

RadyoMaN Aimee Guinita