SAGAY CITY, NEGROS OCCIDENTAL – Duha ka mga soltero nga naga-kanta sa isa ka videoke bar sa ciudad sang Sagay ginpangbuno sang wala makilala nga suspek kagab-i.
Ang mga biktima amo sanday Marvin Panaligan, 23 anyos, single, tumandok sang Canlaon City, Negros Oriental kag Johnel Sogonon, 33 anyos, single, tumandok naman sang Brgy. Doris, banwa sang Calatrava.
Suno sa mga biktima nga may mga las 10 kagab-i ini sila ang yara sa San Jose Videoke Bar, Sagay City kag malipayon nga nagakanta.
Apang sa ila pag-gwa, wala sila nakahibalo nga nakabantay na gali ang suspek kag ini sila ang ginpangbuno.
Si Marvin naigo sa iya likod kag wala nga paa, samtang si Johnel naman naigo sa iya ulo kag likod kon diin padayon ini sila karon nga ginabulong sa Corazon Locsin Montelibano Memorial Regional Hospital./dyHB BACOLOD
