BACOLOD CITY – Ginpulihan kastigo sang apat ka mga tawo ang isa ka lamharon nga iloy samtang ginabit-bit pa niya sini ang iya lapsag kagab-i sa Brgy. Taculing, Bacolod City.
Ang tag-reklamo nakilala kay Caren Tribo, 22 anyos ang edad, single kag pumuluyo sang Nueva St., Galo Smith, Brgy. 11 ciudad sang Bacolod.
Ginpa-blotter ni Tribo sanday Randy Barradero, Rowela Mancia, Joy Badoja kag Rowena Baredo, lunsay legal ang edad kag pumuluyo sang Purok BM, Brgy. Taculing.
Suno sa biktima nga may mga las 8:20 kagab-i sa Prk. BM samtang nga ini siya ang nagapanglakaton sa footwalk bitbit ang iya apat ka bulan nga lapsag, ini siya ang ginbanggaan sang amo nga apat.
Wala sang kon ano man nga ini siya ang ginkastigo sang mga ini gani nag-angkon ang biktima sang madamo nga bagras sa nagkalain lain nga bahin sang iya lawas./dyHB BACOLOD
