MURCIA, NEGROS OCCIDENTAL – Padayon pa nga gina usisa sang kapulisan ang kaso nga pagtiro kag pagpatay sa isa ka 34-anyos nga lalaki sa Brgy. Dumpsite sa amo nga banwa pasado las 7 kagab-i.
Ang biktima ginkilala kay Randy Mansueto pumuluyo sang amo nga lugar samtang wala naman nahibaluan kon sin-o ang suspek ukon mga suspek.
Ini siya ang nakaangkon sang lima ka igo sang bala sa nagkalain lain nga bahin sang iya lawas kag gindeklarar nga dead on arrival sa Corazon Locsin Montelibano Memorial Regional Hospital.
Ang bangkay ni Mansueto ang nasapwan na gid lamang nga nagahapaon sa sulod sang kampo sang tubo.
Angut sini, nagalaum ang ginikanan sang biktima nga sanday Rose kag Joemarie nga madakpan na sa gilayon ang mga suspek nga nagtiro kag nagpatay sa ila bata agud mahatagan ini sang hustisya./Photo: Ang iloy kag amay sang biktima by Ricky Filoteo
