CANLAON CITY, NEGROS ORIENTAL – Dead on Arrival sa Western Visayas Regional Hospital ang biktima nga isa ka amay matapos naaksidente ang motor nga iya ginasakyan.
Nakilala ang biktima nga si Junior Bonifacio, 57 anyos ang edad, pumuluyo sang Brgy. Binalbagan, Canlaon City, Oriental Negros.
Base sa imbestigasyon sang pulis kag suno man sa panaysayon sang bata sang biktima nga nagadrive sang motor ang iya amay kag diin wala niya sini natalupangdan ang isa ka salakyan nga naka park sa higad sang dalan.
Ini ang rason kon ngaa naaksidente ang biktima nga nag-angkon gid sang daku nga kasamaran sa iya ulo kag amo ang gintunaan sang iya kamatayon.
Natabo ang insidente pasado las 6 kagab-i sa amo nga lugar./dyHB BACOLOD
Facebook Comments
