Nagapangayo sang bulig ang pamilya sang 37-anyos nga si
Desiderio Claro Jr. Sang Barangay Gerongan, Lemery, Iloilo para sa padayon
sini nga pagpabulong matapos nalapnos ang iya nawong kag lawas sang
mag-ibwal ang kalayo samtang naga-sander siya sang iya ginamaneho nga oil
tanker sadtong Marso 10.
Nagapabilin karon sa ICU sang Iloilo Doctor’s Hospital si
Desiderio kag nagakinahanglan sang bulig agud masustener ang kinahanglanon
niya nga mga bulong para sa madasig niya nga pag-ayo.
Nahibaluan nga tuman na ka daku sang ila balayran sa
ospital magluwas pa sa kinahanglanon nga mga bulong adlaw-adlaw.
Suno kay Maribel Parcon, utod ni Desiderio nga madamo naman
nga ahensya sang gobyerno ang ila nakadtuan kag napangayuan sang bulig kag
bisan ang amo sini ang nagbulig naman apang kulang sa gihapon kabangdanan
nga nagapangayo sila sang bulig sa mga tagpalamati sang RMN Iloilo.
Si Desiderio ang naga-drive sang oil tanker nga
ginapanag-iyahan sang Uni-trucks nga nakabase sa Bangga Bante, Zarraga,
Iloilo.
