Roxas City, Capiz- Padayon ang paglibot ni Vice Governor Nonoy Contreras agud nga magkonsulta kag hibaluon ang pulso sang publiko antes ini magdisisyon kun ayhan magapadayon sa iya kandidatura sa pagka-gobernador. Aminado ini nga nagahalo ang pressure sa iya ilabi nga nagahilapit na ang filing sang certificate of candidacy. Apang sa pihak sini kag sa mga mensahe sang mga supporters nga nagatulod sa iya sa pagpadalagan, bisan papanao suno diri nga nangin okey ang iya pamatyagan. Suno sa iya nga ginatimbang niya ang mga opsiyon kag tanan nga mga bagay antes nga makabalay na sang disisyon. Ginpunto sini nga ang luyag niya amu nga makaserbisyo sa tanan. Ginpahayag dugang sang bise-gobernador, sa pihak sang natabo nga wala pagkonsiderar sa iya sang partido, ginpabutyag sa gihapon ni Contreras nga nagapabilin ang pagrespetar niya kay Gov Tony del Rosario, Mar Roxas kag sa Partido Liberal.
