VICTORIAS CITY, NEGROS OCCIDENTAL – Ginlabo sang wala makilala nga suspek ang isa ka soltero nga naga-saot saot sa baylihan kagab-i sa Victorias City.
Nakilala ang biktima nga si Daniel Dugol-dugol, 20 anyos ang edad kag pumuluyo sang Brg. 6-A ciudad sang Victorias.
Base sa sa pagpangusisa natabo ang insidente may mga las 11:30 kagab-i sa sulod sang isa ka baylihan sa Brgy. Villamiranda, Victorias City.
Ginpahayag sang biktima nga nakibot na lamang siya nga sa tunga-tunga sang iya pagsaot sa baylihan, ini siya ang ginpalapitan sang suspek kag hinali na lamang nga ginlabo.
Naigo sa iya wala nga likod ang biktima kag padayon karon nga ginabulong sa Corazon Locsin Montelibano Memorial Regional Hospital./dyHB BACOLOD
Facebook Comments
