TACLOBAN CITY – Nagdumara hin buy-bust operation an mga kapulisan ha Brgy. Pasay, Maasin City, Southern Leyte kakulop, June 5.
Subay ha report han Police Regional Office 8, ginkilala an suspek nga gin-aaligar umato nga hi Antonio Espera, residente ha Brgy. Tigbawan han mao nga syudad.
Subay han imbistigasyon, nakahalata daw an suspek nga mga pulis an iya ginbabaligyaan hin 5 kapakete hin gin-aaligar shabu ha kantidad nga P4,783.00 sanglit nga bumunot ini hin pusil ngan ginpabuto ngadto ha mga kapulisan rason nga pusilon hiya han mga operatiba.
Narekober tikang ha suspek an 4 pa kapakete han shabu pati na an revolver nga pusil nga may sulod nga lima nga bala.
Patay an suspek tungod nga naka-angkon ini hin magkadurudilain nga igo hin pusil ha iya lawas.
