Davao City – Nakahiagom og upat ka samad sa lawas ang usa ka Reden Dayuba Ito, 27 anyos, ulitawo ug nagpuyo sa Barangay Salicudon, Sta.Cruz Davao del Sur human tigbasa sa tulo ka hubog.
Nagbaktas matud pa ang biktima sa dalan sa maong barangay dihang gibabagan kini sa tulo ka hubog nga armado og sundang pasado 6:00 sa gabii.
Tulo ka samad tinigbasan sa likod ug usa sa atubangan sa lawas ang natagamtaman sa biktima human kalit tigbasa sa wala mailhing mga suspek kinsa paspas nakasibat sa nahitaboan.
Paspas gisapupo ni Edmiren ito ang biktima paingon sa ospital sa lungsod apan gibalhin ra usab kini sa Southern Philippines Medical Center kung asa padayon pa kini nagpaalim sa mga samad.
Nasayran nga gikan matud pa sa panimay ni Barangay Kapitan Sombiton ang biktima ug muoli na unta kini dihang gitigbas sa mga suspek apan maayo na lamang kay nakahimo pa og ikyas si Reden.
RadyoMaN Joel Viray
