Naghulat nga pasakaan og kaso karong adlawa sa kasong drug pushing ang usa ka lalaki nga nasapon nga nagbaligya sa illegal drugs sa barangay 20 ning syudad mga alas 2:45 ang takna kaganinang kadlawon.
Matud ni Chief Inspector Rey Gaudencio Taboclaon, Hepe sa Lumbia Police station nga ang suspek mao si Jefford Intervention, 28 anyos nga taga Phase 2, Villa Trinitas Bugo ning syudad sa Cagayan de Oro.
Matud ni Taboclaon nga mga alas 2:45 sa kadlawon kaganina, naglunsad sila sa drug buy bust operation sa Barangay 20 ug niresulta sa pagka sikop sa maong suspek.
Nakuha sa mga otoridad gikan sa maong suspek ang tulo ka pakete sa gituohang SHABU nga mokabat sa 0.2 grams ug dunay market value nga 1,200 pesos.
Naimbargo usab sa mga pulis ang 300 pesos nga marked money.
Ang maong suspek detinado na karon sa Lumbia Police station.
RadyoMaN Nitz Arancon
