General Santos City–Padayong ginasuta klaron sa Police Station 4 kung kinsa ang mga responsible nga nagbilin sa duha ka mga bala sa mortar sa kanal nga bahin sa Purok Masagana, Barangay San Isidro, Gensan.
Sumala pa ni Police Major Alex Lanestosa ang hepe sa Police Station 4 nga sa karon blangko pa sila sa motibo ug mga identity sa nasangpit nga mga responsible nga nibilin sa maong mortar.
Dugang pa ni Major Lanestosa nga posibleng dugay na ang maong bala sa maong area tungod kay gitaya na kini.
Samtang gipaklaro usab ni Major Lanestosa nga dili ubasta- basata mobuto ang nahisgutang mortar tungod kay wala na kini mga components nga posibleng mo-trigger sa pagbusikad niini.
Posible nga gilabay lang sa maong lugar ang maong mortar ug tungod sa kadugay nalubong na kini sa yuta.
Kung kahinumduman nga nakadawat nalang ug tawag ang Police Station 4 gikan sa concern citizen nga aduna silay nakita nga bala sa mortar sa maong lugar alas 6:00 pasado ang takna sa buntag ug alas 10:00 na kini napahibalo sa kapulisan, sa kasamtangan anaa na kini sa kustuidiya sa EOD team sa camp Fermin Lira. (Dave Silagan)
