BACOLOD CITY – Wala anay ginpahanugutan nga maka-byahe ang Ocean Jet MV 7 matapos nga maka-angkon sang mechanical trouble kag nag-overshoot samtang naga-dungka ini sa BREDCO port pasado alas 2 kagapon sang hapon.
Suno kay Philippine Coast Guard Substation Commander – Petty Officer 1 Salvador Leonero nga nag malfunction ang troller nga nagakontrol naman sa prino sang sakayan pandagat kabangdanan kun nga-a nagbunggo ini sa dulungkaan.
Bangud sa impact, nagkala-ungad kag nagkala-bunggo ang mga pasahero sang amo nga sakayan.
Suno sa coast guard nga naka-angkon sang minor injuries ang pila sa mga pasahero kag gindala sa Bacolod Sanitarium and Hospital.
Nahibalu-an nga halin sa Iloilo ang Ocean Jet 7 sakay ang 155 ka mga pasahero./dyHB BACOLOD/ Larry Trinidad photo
Taga: Visayas, dyhb, bacolod
