BACOLOD CITY – Ginkilala na ang bangkay nga sang damlag pa Mr. X matapos ini nga natiruhan sang mga katapo sang Police Station 6.
Suno kay Station 6 commander, Police C/Insp. Jovil Sedel nga ang bangkay sang suspek ang ginkilala sang iya iloy nga si Gemma Cruz nga amo si JR Cruz, 23 anyos ang edad kag pumuluyo sang Brgy. 17 diri sa ciudad.
Si Cruz ang kaupod sang isa pa ka suspek nga si John Mark Pabila nga natiruhan sang police matapos una nga nagpalupok sang ila armas nga pusil sang ini ang gindakup sang police sa isa ka abandonado nga balay sa Brgy. Taculing diri sa Bacolod City.
Gindala pa si Cruz sa Corazon Locsin Montelibano Memorial Regional Hospital apang ini siya ang ginbawian sang kabuhi bangud sang loss of blood.
Sanday Pabila kag Cruz ang ginasiling amu ang nagachop-chop sang mga carnap nga mga salakyan gikan sa Iloilo nga ginasiling daku nga sindikato sa Panay.
Akto nga nadakpan sang mga otoridad ang hilikuton sang duha sa diin narecover sa lugar ang plate number sang pick-up kag isa ka awto kolor itom nga Cheverolet Aveo./dyHB BACOLOD
