Nagdaog han Ultra Lotto nga taga Borongan, nangutang para makuha an iya premyo ha Manila

619

TACLOBAN CITY – Ginkuha na han duha nga nagdaog han Ultra Lotto 6/58 an P1-billion pesos jackpot prize ha Philippine Charity Sweepstakes Office (PCSO) ha Manila.

Nagtunga hira han premyo, tag P472-million hira, gin-ibanan na dinhi an 20 percent tax.

Pero an bag-o nga milyonaryo nga tikang ha Borongan, Eastern Samar in nangutang pa iya kasangkayan para makakadto ha Manila pagkuha han iya premyo.

Sumala kan PCSO Assistant General Manager for Gaming Sector Arnel Casas, middle-aged nga lalaki tikang ha Borongan an pumakadto ha ira opisina.

Basi han pamahayag han bag-o nga milyonaryo, uunahon niya an pagbayad han mga utang ha ira probinsya.

Facebook Comments