Wanted persons / Pulis ug kaipon, nakagawas na sa prisohan

PC: Misamis Oriental Provincial Police Office

Nakagawas na sa prisohan ang usa ka pulis ug kaipong gisikop sa kapulisan sa Jasaan Municipal Police Station human nalakip sa mga wanted persons.

 

Sa interview sa dxCC-RMN kang PO3 Edgar Ellevera, warrant / subpoena server sa Jasaan Municipal Police Station nga nakapiyansa na kagahapon sa hapon si PO1 Jason Cailing, 31 anyos, minyo ug ang babayeng si Hijean Pacate Micasio, 22 anyos, dalaga ug taga Barangay 18, Gingoog City.

 

Gibutyag ni PO3 Ellevera nga mokabat sa 144-mil pesos ang gipiyansa sa duha ka mga suspek human nag-atubang sa kasong paglapas sa Republic Act 9262 o mas nailang Anti-Violence Against Women and their Children Act of 2004.


 

Gidugang ni PO3 Ellevera nga si PO1 Cailing ilang gisikop niadtong Dominggo sa Binuangan Municipal Police Station ug ang kaipon niini ang gisikop sa ilang boarding house sa Gingoog City.

Facebook Comments