Indi sila mag-upod sa oath taking ni incoming South Cotabato Governor Reynaldo Tamayo Jr. sa Hunyo 28 subong nga tuig suno kay South Cotabato Vice Governor Vicenti de Jesus.
Ini tungod nagplano na sila nga nagdaug nga mga board members nga sa Hunyo 21 na lang magtake –oath upod si South Cotabato 2nd District Congressman Ferdinand Hernandez.
Suno kay Vice Governor de Jesus ini matapos nga may-yara sila sang programa kag imbitaron si Governor Daisy Avance Fuentes para sa iya nga valedictory message kadungan sang ila nga oath taking.
Samtang ginkumpirmar sang bise gobernador nga kahapon nga adlaw kadungan sang Independence Day celebration nagtake-oath naman si 1st district board member Eamon Matti upod si Polomolok Mayor Honey Lumayag Matti.
Madumduman nga nauna na nga ginpahayag ni Governor Elect Tamayo nga upod niya ang mga nagdaug nga mga board members sa ipatigayon nga oath taking sa Hunyo 28.
