#Shookt ang fangirls ni Pasig City Mayor Vico Sotto sa pinakabagong photo nito sa Instagram.
Kita kasi sa photo ang bachelor mayor na nag-pose na may hawak na biodata form, kasama ang ilang employees sa marriage license department ng city hall.
Sa caption ng mayor, sinabi niyang “nag-inquire” lang naman daw siya.
Matatandaang sumagot ni Sotto na mas gugustuhin niyang matulog o magpahinga nang tanungin kung in a relationship na ba siya.
Diyos na aniya ang bahala kung kailan darating ang makakasama niya sa buhay at sa ngayon ay focus-focus muna raw sa tungkulin.
Hindi naman nagpaawat ang mga taga-hanga ng millennial mayor na may kanya-kanyang banat para sa kanilang “babe mayor.”
May mga gusto na raw lumipat sa Pasig, at marami namang nagbiro na para sa kanila ang inquiry ng mayor.
