Taliwala sa bilyunes nga gahin alang sa infrastructure project alang sa caraga region karun nga tuig, apan hangtud sa pagkakarun wala pa gihapon ma repair ang nahugno nga tulay sa barangay Babag, Butuan City usa ka tuig na ang miagi karung bulana Agosto.
Suma pa sa Deparment of Public Woks and Highways ang Budget sa 2017 Regular Infra Project sa DWPH Caraga miabot sa kapin 21 Bilyon pesos.
Anaa usab sa 1.1 bilyon pesos sa Butuan City 1.4 bilyon pesos sa Agusan del Norte
Wala pay kasiguruhan kung kanus-a matrabaho ang nahugmak nga tulay sa brgy. Babag luyu nga usa ka tuig na ang nakalabay.
Sa pagpanubay sa RMN DXBC Butuan sa City Engineering Office sa City Hall nasayran nga walay budget nga gigahin ang LGU Butuan alang sa pag-construct ug balik sa nahugmak nga tulay.
Sigun ni City Engineer Rogelio Batocael nagbutyag nga moabot sa 60 milyon pesos ang kinahanglang pundo aron subling mobarug ang nasangpit nga tulay.
Niya pa nga dili kaya sa pundo sa local nga kagamhanan ang 60 milyon pesos hinungdan nga padayung nangita ug pundo si Mayor Ronnievic Lagnada sa Department of Public Works and Highways (DPWH).
Dili usab kasulti si Engr. Batocael kung kanus-a gyud matrabaho ang nasangpit nga tulay. (photo courtesy fb of flash report)
