Kasong pagsupak sa Republic Act 10591 kun illegal possession of Fire arms ang atubangon sa magtiayong negosyante nga sila si Rey ug Florenli Carmona, taga Cabadbaran City, Agusan del Norte. Kini sigun ni NBI Caraga Regional Director Mario Menor.
Ang magtiayong Carmona, pabiling gikustudiya karon sa National Bureau of Investigation Caraga og nakatakdang ipailalom sa inquest proceedings human nakuhaan ug ubay-ubay nga mga armas dihang gi-raid ang panimalay niini alas 6:47 kagahapon sa buntag.
Matud sa opisyal, adunay intelligence report nga ang suspek ang nagbaton ug mga armadong lalaki sa iyang panimalay apanwala maabti kagahapon sa nahitabong raid.
Nakumpiska sa raid posisyon sa magtiayon ang 2 ka Caliber 45, 1 ka 9mm, usa ka logger KG9 submachine gun ug usa ka shotgun.
Gikasa ang maong operasyon pinaagi sa search warrant nga giisyu sa Municipal Circuit Trial Court sa Francisco, Agusan del Sur.
Gikataho na ang duha sa mga armas nga nakompiska ang adunay mission order gikan sa Intelligence Service Armed Forces of the Philippines kun ISAFP butang nga padayon pa kini karong giimbestigahan sa NBI Caraga.
Gikabutyag ni Dir. Menor nga bisan pa man adunay MR gikan sa ISAFP ang armas dili kini garantiya aron nga dili dakpon ang suspek sa paghupot ug illegal nga mga armas (with report ivy falcone/sasie babar). [image: carmona.jpg]
