Nagkahiusa karon ang Department of Health, Department of Education ug Department of Social Welfare and Development aron masolusyonan ang pagsaka sa kaso sa tipdas dinhi sa Northern Mindanao.
Matud ni Dr. David Mendoza nga nagpagawas og Department Circular No. 2019-0051 ang DOH central office nga naglakip sa DepEd, DSWD ug Department of Interior and Local Government sa pakigbatok sa tipdas pinaagi sa vaccination campaign.
Sa pinakaulahing datus sa DOH, mokabat sa 1, 055 ang ihap sa nataptan sa tipdas sa rehiyon sugod Enero hangtod Marso 15 ning tuiga diin napulo sa mga biktima ang namatay.
Sa lima ka probinsya dinhi sa Region-10, nakatala sa pinakadaghang kaso sa tipdas ang Bukidnon nga dunay 443 diin tulo niini ang namatay, gisundan kini sa Cagayan De Oro nga dunay 204 ug unom ang namatay, Misami Oriental nga dunay 199 ug usa ang namatay, Lano del Norter nga dunay 102, Misamis Occidental nga dunay 74, Iligan City nga dunay 30 ug Camiguin nga dunay tulo.
