Iligan City – Nagkahiusa ang nagkalain-laing fraternity dinhi sa dakbayan sa Iligan alang sa usa ka dakung blood donation drive.
Naidtung sabado, tulo ka hugpong sa fraternity sa Iligan city ang mipahigayon ug blood letting program didto sa barangay dalipuga inabagan sa Philippine Red Cross Iligan Chapter.
Gibutyag ni Mr. Rogie Apag, ang National Council Representative sa Trihedron nga dili mominus sa 70 ka bags sa dugo ang nakolekta sa red cross gikan sa mga nagpakuha niini sa mga miyembro sa fraternity ingon man sa katawhan sa barangay dalipuga.
Usa ka maayong lakang sumala pa ni Apag ang maong kalihukan sanglit daku kaayo ug tabang alang sa mga nagkinahanglan ug dugo tungod sa kanihit kaayo karon sa dugo gumikan sa pandemic nga atung nasinati niining COVID 19.
Gani, mipasalamat ug daku si Ms. Genevieve Amodia ang Chapter Administrator sa Red Cross Iligan sa tanang misalmot sa maong kalihukan tungod aduna napud unya silay mahatag alang sa mga nagkinahanglan.
Ang mga fraternity nga nanguna sa nasangpit nga kalihukan mao ang Trihedron gamma phi sigma, Rivans Rivulet ug Zetans Zeta phi omega.(Ghiner L. Cabanday, RMN-DXIC Iligan)
