BACOLOD CITY – Gilayon nga nagfile sang iya counter blotter ang pulis nga si PO3 Jerico Candiasan batuk sa napulo niya ka mga kaingud sa Brgy. 39 nga nauna nga pagpa-blotter sa Station 1 batuk sa iya.
Suno kay PO3 Jerico Candiasan, 40 anyos, kasado, pumuluyo sang amo nga lugar kag assigned sa Bantay Dagat, pasado las 8 sadtong Sabado sang gab-i nagkadto sa iya balay si Elbert Espanuela kag ini siya ang ginhangkat nga mag-dwelo.
Wala labot sini, nagbuko pa nga magsulod sa iya balay si Elbert kag may gina-uyatan pa ini nga kutsilyo sa iya kamot.
Kalakip sa ginreklamo ni Candiasan nga nagsulong sa iya puluy-an amo man ang mga tawo nga nauna nagpa-blotter sa iya nga sanday Joji Vega, Diana Espanuela, Robert Jimenez, Johnrey Jimenez, Portunata Limpios, Antonio Limpios, Elsi de Jesus, Gemma Pineda, Jodella Savideo kag Brgy. Kagawad Romer Real, tanan legal ang edad, tanan pumuluyo sang amo nga lugar.
Ginpahayag ni Candiasan nga wala niya ginpatulan ang amo nga tawo kon diin nagsulod na lamang ini siya sa iya puluy-an agud makalikaw sa kumplikto./dyHB BACOLOD
