BACOLOD CITY – Kapin 18 tanan ka mga puluy-an ang totally damage, 5 ang partial nga may damage sa nagluntad nga sunog pasado kas 12 sini gid lamang nga udto sa Purok Riverside, Brgy. Sum-ag, Bacolod City.
Suno kay Brgy. Sum-ag, Punong Barangay Rodney Carmona nga ang amo nga area ang residential kag kalabanan sa mga balay ang human sa light materials.
Ginpahayag ni Carmona nga base sa pahayag sang mga naka-kita ang sunog ang naghalin sa balay sang pamilya Onate nga yara nahamtang sa tunga sang mga naga ikit-ikit nga mga balay.
Ginsiling sang Punong Barangay nga naga-hiwat sang isa ka salo-salo ang amo nga pamilya bangud nga may birthday kon diin ginaalegar nga may nagluto sa kalan kag aksidente ini nga naglupok.
Maswerte naman nga wala sang may nasamaran nga persona sa amo nga sunog.
Bangud sang madasig nga pag responder sang mga firemen sang nagkalain lain nga volunteer fire brigade, madasig man nga napalong ang kalayo.
Angut sini, ginpangako sang barangay nga may yara sang food assistance nga igahatag sa mga fire survivors nga temporaryo nga igapahamtang sa mga evacuation centers sa Brgy. Sum-ag.
