General Santos City—Balhog karon sa Silda sa Police Station 2 ang usa ka retiradong huwes kansa una nang gidakop sa kapulisan human nga nagmaoy atubangan sa Metro Bank nga nahimutang sa may Makar, Barangay Labangal alas 1:00 kagahapong adlawa.
Ang maong Judge giilang si Enrico Romualdez Roxas, 62 anyos, residenti sa Dona Solidad, Barangay Labangal, Gensan kanhing nakabasi sa kauluhang Manila ug kasamtangan karon nga nagtrabaho isip International Legal Council.
Sumala ni Police Sr. Inspector Robert Fores, Deputy Station Commander sa Police Station 2 nga una nang nagpakitabang ang gwardya sa Metrobank nga si Sammy Bagyon, human matud pa nga giguba sa nahisgutang huwes ang ATM dihang wala syay makuhang kwarta dihang siya mi-witdraw sa ATM.
Gisuwayan ug ihi sa nasangpit ang ATM mao nga gisita sa gwardya apan nangharass na nuon ang nasangpit.
Tungod niini girespondihan sa kapulisan ang lugar ug gidakop ang nahisgutan. Samtang anaa na sa Police Station 2 nagdumili si Judge Roxas nga magpapriso sa silda luyo paman sa iyang gihimo.
Iya pang gi-bully ang mga pulis nga sakop sa Police Station 2 apil na ang Disk Officer. Tungod niini pugsanon siyang gisulod sa silda gumikan sa tumang kahubog.
Gibutyag ni Fores nga ilang pasakaan ug kaso ang nasampit nga pulis karong adlawa.
