BACOLOD CITY – Nagnubo ang kaso sang kinawatay sa ciudad sang Bacolod sang masobra 31 porsiento para sa period sang January 1 tubtob February 7, 2018 kon ikumpara sa amo man nga period sang nagligad nga tuig.
Base sa record, halin sa 19 ka insidente sang 2017, sini naman nga tuig nagdangat gid lamang sa 13 incidents.
Samtang, nag-improve man ang crime clearance efficiency sang kapin 24.70 percent samtang ang crime solution efficiency nag-improve sang 9.31 percent.
Sa pihak nga bahin, nagpatigayon naman sang sunod-sunod nga drug operations ang Bacolod City Police Office pinaagi sa nagkalain-lain sini nga police station.
Sa idalum sang liderato ni Police S/Supt. Francisco Ebreo, OIC City Director, may kabug-usan nga 7 ka mga drug operations nga ginpatigayon ang City Drug Enforcement Unit, Police Station 10, Station 7 kag Police Station 2.
Ang amo nga operasyon nag resulta sa pagka-aresto sa 16 tanan ka mga drug personalities, 26.138 ka gramu sang shabu nga na confiscate kag may street value nga masobra 261,000 pesos samtang, 19 na ka kaso ang ginpasaka./dyHB BACOLOD
