BACOLOD CITY – Nagnubo sang kapin 27 porsiento ang insidente sang mga krimen nga nagluntad sa ciudad sang Bacolod sini nga Pebrero, 2018 kon ikumparar sa amo man nga period sadrtong 2017.
Suno kay Bacolod City Police Office, OIC city director P/Ssupt. Francisco Ebreo nga nagdangat lamang sa 229 ang crime volume sang February sini nga tuig ukon nagnubo sang 86 ka insidente.
Samtang sadtong 2017 sa amo man nga period, kapin 315 ka krimen ang natabo.
Ginpahayag ni Ebreo nga ang pagnubo sang crime incidents sa Bacolod City ang tuga man sang hugot nga pagtinguha sang mga kapulisan sa ciudad.
Lakip man ang maid-id nga pagtuon sa mga hilikuton kag aktibidad sang mga sindikato, pagtuon sa crime clock kag mga lugar nga masami ginaluntaran sini.
Dugang pa ni Ebreo nga kalakip sa ginahimo sang kapulisan sa Bacolod amo ang pagpatuman sang adjustments para matapna ang krimen ukon paghimo sang mga tikang agud nga ini ang masulbar./dyHB BACOLOD
