Nagnubo nga presyo sang meat products sa Negros Occidental rasun nga nagtaas ang presyo sa merkado

12

Nagdyutay nga supply sang karne sang baboy kag manok rasun nga nagmahal ang presyo sini sa mga merkado sa syudad sang Bacolod, ini ang pahayag ni Executive Assistant Ernie Pineda- head sang Sectoral Concern kag Price Monitoring Unit sang syudad sang Bacolod sa interview sang DYHB.

Suno kay Pineda, halin sa P220 kada kilo nga presyo sang karne sang baboy sang tinalikdan nga bulan ini sa karon ang naglab-ot na sa P260 kada kilo. Ang karne sang baka ang nagapabilin naman sa P280 tubtob P300 kada kilo. Samtang, may pagsaka man sa presyo sang manok halin sa P120+ kada kilo, sa karon ini ang P180 na kada kilo.


Dugang pa ni Pineda nga madamo sa mga nagasagod sang kasapatan ilabi na ang mga backyard raisers sa probinsya ang nag-untat bangud naapektuhan sang covid-19 pandemic, rasun nagnubo ang supply sang meat products.

Nagsapol naman ang Local Price Coordinating Council sang syudad sang Bacolod para istoryahan ang gulpi nga pagsaka sang mga meat products kag iban pa nga mga nagapanguna nga balaklon.

[image: image.png]

Facebook Comments