*General Santos City— Hugtanong gipanghimakak ni Gary Angeles, nagpa-ilang tigpamaba sa Regional Operations Command sa Far South Mindanao Region nga adunay nahitabong pagpangsunog sa balay sa sitio lider sa Sitio Akbual, Malapatan, Sarangani Province.*
*Sumala niya nga igo lang nga nagpahigayon ug ronda ang bagong hukbong bayan sa panimalay sa tulo nga gituuhang mga armado lakip ni ang sitio chairman nga si Borning Manganyong ug mga igsuon niining sila si Taba ug Jun Manganyong.*
*Aduna matud pay salaud ang mga nahisgutan gumikan sa pagpang-ispiya, aktibong miyembro sa para-militar nga gimugna sa AFP ug pagpang-hasi mga sibilyan.*
*Dugang pamahayag ni Gary nga atol sa maong operasyon nga gihimo sa hukbong bayan, misukol matud pa ang mga nahisgutan ug nagpabuto sa ilahang mga armas nga miresulta sa mubo sa engkwentro.*
*Nigamit pa ang mga bata ang mga nasangpit isip human shield aron nga paspas nga makasibat sa lugar.*
*Gani nagpahigayon matud pa sila ug panagpulong tali sa mga residente sa lugar aron nga ipasabot ang nahitabo kung asa mipalag matud pa ang mga residente gumikan sa kasamok nga dala sa magsuon.*
