GSCPO andam na sa ipatuman nga siguridad sa Regular election sa umaabot nga Oktobre

General Santos City–Susamang seguridad gihapon niadtong bag-ohay lang nahuman nga eleksyon niadtong Mayo ang ipatuman sa General Santos City Police Office sa ipahigayong Piniliay sa umaabot nga bulan sa Oktobre alang sa pag ka Kongresista sa syudad sa Gensan.

Sumala pa ni Police Major Rexor Canoy ang tigpamaba sa General Santos City Police Office nga nahimong nag malampuson matud pa ang siguridad nga ilahang gipatuman niadtong milabay nga eleksyon kung asa wala nakatala ang kapulisan ug unsa mang kakulian panahon sa election hinungdan nga susama gihapon niini ang ipatuman sa PNP.

Gikabutyag man usab ni Police Major Canoy nga normal gayud nga panahon sa eleksyon ang pag patuman sa gun ban apan wala matud pa kini natanggal tungod sa nagpadayong pag patuman sa martial law sa Mindanao.


Gani lauman ang hugot nga siguridad nga ipatuman sa kapulisan aron nga masiguro gayud nga walay kakulian nga mahitabo.

Samtang human matud pa nakansela ang eleksyon sa pagka-Kongresista sa 1st district ug pagmugna sa 3rd district sa South Cotabato wala na undang ang ginapahigayon nga koordionasyon sa PNP ngadto sa Comelec alang usab sa mga buhaton paglatag sa siguridad.(Dave Silagan)

Facebook Comments