Nagpailang MNLF member nakuhaan og tag-as nga kalibre sa armas gi-inquest na

Davao City – Na-inquest na sa Baguio Police Station kagahapon April 15, 2024 si Mc Arthur Veloso, 42 anyos, ulitawo, resident sa Purok 4, Brgy. Carmen, Baguio District, Davao City, human nakuhaan og mga tag-as nga kalibre sa armas sa gilusad nga joint Search Warrant operation sa Purok 4, Brgy Carmen, Baguio District, Davao City.

Sa interview sa DXDC RMN Davao kang Police Major Mark Lester Jalon, hepe sa Baguio Police Station gisulti niya, kasong kalapasan sa RA 10591 o illegal possession of firearms and ammunition ang gipasaka batok sa suspetsado.

Segun ni Jalon, nakuha gikan sa posisyon sa suspetsado ang usa ka 308 Sniper Riffle, M16 Riffle, .45 Caliber Pistol, duha ka Colt .45 Caliber pistol, homemade shotgun ug mga magazine nga dunay sulod mga bala.

Giklaro ni Jalon, ang dinakpan nagpailang membro sa Moro National Liberation Front (MNLF), apan sa gihimong pakisusi nasayran nga dili MNLF member, usa lamang ka dayo gikan sa Agusan del Sur.

“Base na pod ni nga mga nakuha nato nga sa intell report nga naay silay mga armas diha gi-sthrengthen nato ang intelligent network nato diha sa area”,sulti ni Jalon.

RadyoMaN Don Pulayao