BACOLOD CITY – Nagreklamo ang isa ka babayi nga nagpakay-o sang alahas sa isa ka jewelry and repair shop sa Plazamart, downtown Bacolod kahapon sang aga, nga gin-retoke kag nag-deform ang iya aritos.
Nakilala ang tagreklamo nga si April Lene Acebuque, 33 anyos ang edad, residente sang Purok Litson, Sto. Nino, Brgy 1, Bacolod City.
Suno kay Acebuque mg alas 11:25 kahapon ini siya nagkadto sa Fely Luz Jewelry and Repair Shop sa Plazamart agud ipakaayo ang iya 12-karat gold nga aritos nga nagabalor sang P12 mil pesos.
Apang sang iya na kuhaon ang aritos, na-notice sini nga gin-alter kag na-deform na ang iya alahas gani nagreklamo ini sa iya ginpakaayuhan nga lalaki nga wala niya nakilala.
Pahayag sang complainant nga sang ini ang iya ginreklamo, ginhaboy sang manugkay-o ang iya aritos, rason ini nagpa-blotter sa Police Station 1./dyHB BACOLOD
