TALISAY CITY, NEGROS OCCIDENTAL – Patay ang isa ka menor de edad matapos nga ini ang nalumos sa isa ka club house sa ciudad sang Talisay kahapon sang hapon.
Nakilala ang biktima nga si Sheila Mae dela Cruz, 14 anyos ang edad, pumuluyo sang Minlu 4, Brgy. Zone 12-A, Talisay City.
Suno sa imbestigasyon sang Talisay PNP, ang biktima ang yara sa club house sang Carmela Valley kag nagpaligo sa swimming pool didto.
Apang, may mga las 5:45 sang hapon kahapon, ini siya ang aksidente nga nalumos kag dali-dali pa nga gindala sa Corazon Locsin Montelibano Memorial Regional Hospital.
Matapos ang halos 6 ka oras, gindeklarar sang attending physician sang ospital nga patay na ang bata./dyHB BACOLOD
Facebook Comments
