HIMAMAYLAN CITY, NEGROS OCCIDENTAL – Ginbuno sang wala nakilala nga suspek ang isa ka lalaki nga nagpamayle sa bisperas sang kapiestahan sa Brgy. Talaban, ciudad sang Himamaylan mga la 1:50 sini gid lamang nga kaagahon.
Suno sa pagpangusisa sang mga katapo sang Himamaylan PNP, ang biktima nga si Antonio Esperal, 36 anyos ang edad, single kag pumuluyo sang Brgy. Talaban sang amo nga ciudad ang nagkadto sa baylihan agud nga magsaut-saot.
Apang, ginsiling sang hinablos sang biktima nga durante nga ini sila ang yara na sa tunga kag naga-bayli, ginpalapitan sila sang duha ka wala makilala nga suspek kon diin ang isa sa ila amo ang nagbuno kay Esperal.
Nag-angkon sang pila sa iya sag-ang kag likod sang iya dalunggan ang biktima kag padayon karon nga ginabulong sa Corazon Locsin Montelibano Memorial Regional Hospital./ Google photo
