General Santos City–Balhog sa lock up cell sa Polomolok Municipal Police Station ang usa ka 45 anyos nga ginang nga itago lang sa pangalang Alias Elsie, minyo , walay trabaho, residente sa Block 1 Purok Balabat, Barangay Poblacion, Polomolok, South Cotabato human nasikop sa kapolisan nga gapataya og last two, last three og 4 digits.
Nasuta nga alas 7:05 sa gabie nagpahigayon og operasyon batok illegal gambling ang mga personahe sa Polomolok Police Station sa naasoyng lugar, naaktuhan ang nasampit nga nagadawatan og kwarta gikan sa iynag illegal nga gimbuhaton human nga natayaan sa usa ka wala nagpaila nga manayaay nga sakop usab sa operative team.
Gilayon kining gisikop gumikan kay bawal kini sa balaod. Nakuha gikan sa dinakpan ang iyang mga illegal gambling paraphernalia’s ingon man ang kwarta niini. mag atubang og kasong pagsupak sa RA 9287 kon Illegal Numbers Game ang maong dinakpan. (Reynald Timario)
