Roxas City, Capiz – Nag-umpisa na sang nakaligad nga adlaw sang Sabado Enero 26, 2019 ang early registration sang Department of Education(DepEd) para sa mga incoming kindergarten, Grades 1, 7 kag Grade 11 nga mga studyante para sa masunod nga school year 2019-2020.
May kaangut sini, gin-imbitahan ni Capiz DepEd Division Superintendent Dr. Roel Bermejo ang mga ginikanan nga hingalitan ang schedule nga gin-set sang DepEd angud nga temprano pa nga maparehistro ang ila mga kabataan.
Suno diri nga may yara man sang ginpahamtang nga mga registration desk sa tagsa ka mga eskwelahan.
Ginasigahom nga magadugay ang nasambitan nga early registration sa mga public schools sa Capiz sa maabot nga Pebrero 22, 2019.
Nahibaloan nga katuyoan sang nasambitan na early registration sa idalom sang “Basic Education Enrollment Policy” nga malantaw sang DepEd ang numero sang mga incoming nga mga estudyante sa masunod nga school year.
photo © Elsie Ucag Zonio
