Maayon, Capiz – Duha ka mga gina-alegar nga miyembro sang New Peoples Army ang boluntaryo nga nag-surrender sa alkalde sang banwa sang Maayon. Ginkilala ang duha ka mga rebel returnees nga sanday ‘Ka-Peter’, 23 anyos, residente sang Brgy. San Antonio, Cuartero, Capiz kag ‘Ka-Rowel’, 28 anyos, sang Brgy. Aglimocon, Maayon, Capiz.
Ginpahayag ni Mayor Wilfredo Borres, nga ang nasambit nga mga persona ang gin-updan sang anay kapitan sang Brgy. Aglimocon agud mapaseguro nga matawhay ang ila pagsungka.
Suno sa duha ka anay miyembro sang NPA, gusto na nila nga magtiwalag sa hublag bangud luyag na nila nga magpangabuhi sang matawhay kag wala nagapanago sa mga otoridad. Sa subong yara na ginturn-over sa 301st Infantry Brigade nga nakabase sa Dingle, Iloilo ang mga rebel returnees.
*(Photo from web)*
