Roxas City, Capiz- Patay ang 22-anyos nga construction worker matapos nga ini ang nabun-an samtang yara sa Sitio Patag, Brgy. Lawaan sining siyudad pasado alas onse sang gab-e.
Ginkilala ang biktima kay Jayson Barredo nga nag-angkon sang patal nga pilas sa iya dughan.
Suno sa imbestigasyon sang mga kapulisan, upod sang biktima ang asawa sini kag mga abyan nga sanday Zaldy Dadivas kag Joemar Aldea nga nagalakat papuli sa ila poluy-an sang gulpi lang may nagdulog nga motorsiklo sakay ang duha ka mga persona.
Nagluntad ang pagsabtanay sa tunga sang grupo sang biktima kag sang mga suspek nga ginsundan sang paggabot sang dala nga kutsilyo ang pihak nga grupo.
Nagtuyo lang sa pagtabang si Barredo sa isa ka upod sini nga una ginbuno sang mga suspek apang ini ang dimalas nga nabon-an.
Gindangat pa ang biktima sa Roxas Memorial Provincial Hospital apang gindeklarar nga dead on arrival sang doktor.
