MANAPLA, NEGROS OCCIDENTAL – Natigayon nga masalbar ang 7 tanan ka mga pasahero kag crew sang isa ka pump boat nga nagkulob sa kadagatan sang Brgy. 2 banwa sang Manapla kahapon sang hapon.
Ang pumpboat nga M/V Fantasy Lines ang ginapanag-iyahan ni Richard Bating, pumuluyo sang Culasi, Ajuy, Iloilo kag ginadala boat captain nga si Jo-an Bating,. 35 anyos ang edad.
Suno sa report, may mga las 3:30 kahapon sang hapon, ang amo nga bangka sakay ang iya crew kag 7 ka mga pasahero ang nagapanakayon halin sa Culasi, Ajuy, Iloilo padulong sa Manapla.
Apang sa pag-abot sa kadagatan sang Brgy. 2 uko kapin 2 kilometros halin sa shoreline, naguba ang katig sang bangka bangud sang tuman ka dalagku nga balod rason nga ini ang nagkulob.
Dali –dali naman nga ginsalbar sang mga mananagat nga yara lang sa palibot ang mga pasahero kag crew, apang naubos gid lunod sa dagat ang kagamitan sang mga pasahero.
Natigayon naman nga mabutong padulong sa higad-dagat ang M/V Fantasy kag yara karon sa Manapla./dyHB BACOLOD
