![GLAN-PNP-FINAL-1](https://i0.wp.com/rmn.ph/wp-content/uploads/2017/09/GLAN-PNP-FINAL-1.jpg?resize=559%2C419&ssl=1)
General Santos City—gidunggab sa iyang silingan ang usa ka Archie Sadot, 22 anyos, residente sa Purok 6,barangay Baliton, Glan Sarangani,Province human miulang sa away tali sa duha ka mga kaubanan niini sa inum.
Nasayran nga bandang alas 7:35 sa gabie una nang nag-inum ang mga nahisgutan sa nasampit nga lugar apan sa dihang nangahubog na kini naglalis matud pa ang suspetsado nga itago lang sa pangalang alias Jay-ar, 17 anyos ug ang laing pang kauban niini nga naila sa pangalang Arnel Zonio, hingkod ang pangidaron, lumulopyo ra usab sa maong dapit .
Dihang miulang ang biktima kalit lang matud pa kining gidunggab sa suspek hinungdan nakahiagum kinig samad sa iyang kamot.
Gidala sa ospital ang biktima samtang ang suspek nasikop sab sa kapolisan sa Glan Municipal Police Station. ( Ray Flores Sabillo )