BACOLOD CITY – “Nagbaliskad ang paya” sa sitwasyon sang isa ka mag-asawa kon diin si mister pa ang ginkastigo ni misis kagab-i sa isa ka barangay diri sa ciudad sang Bacolod rasun nga ini ang nagpablotter.
Nagpadulong sa Police Station 6 ang isa ka 61-anyos nga bana agud ipa-blotter ang iya 37-anyos nga asawa nga nagkastigo sa iya kag nagpamahug pa nga utdon ang iya kinatawo.
Suno sa amo nga bana nga kon mag-away sila sang iya misis masami ini siya nga ginasakit sang amo nga babayi.
Ginpahayag sang amo nga 61-anyos nga bana nga kagab-i naayawan siya pangita sang iya asawa bangud wala ini sa ila balay kag sang pag-abot ni misis, ini ang hubog.
Liwat sila nga nag-away kag ginpaandaman siya sang iya asawa nga kon magtulog siya, utdon niya sini ang iya kinatawo.
Bangud sini, bisan pa nga natuyo na si mister wala ini nagtulog bangud sa kahadlok nga tuod-tuuron ni misis ang iya pamahog./ Navi Manila graphics
