NEGROS OCCIDENTAL – Patay na sang mag-abot sa bululngan ang 46 anyos nga biktima nga si Elmer Temrevilla, residente sang Sitio Mambangon, Brgy. Cabacungan, La Castellana, matapos ini ang matumbahan sang gina-tapas nga talisay nga kahoy sa Caduhada Spring Resort sa nasambit nga lugar.
Las 7:00 ang takna sang aga sang gin tapas sang lalaki nga si Teodoro Cabasis, 44, ang dako nga kahoy sang amo nga resort sang tuyo nga mag labay ang biktima sa direksyon sang tup-an sang amo nga kahoy.
Ini ang gin warningan pa ni Teodoro apang wala ini nag pamati gani ini ang na pilpilan sang kahoy sa ulo sang ini ang matumba sa iya mismo nahamtangan.
Ginhingagaw pa dala ang biktima sa La Castellana Rural Health Unit, apang ini naman ang gin pronounced nga dead on arrival, sang attending physician nga si Dra. Nenita Sol.
Gilayon naman nga nag surrender ang nagtapas sang kahoy sa La Castellana Municipal Police Station.
Kaso nga reckless imprudence resulting to homicide ang natalana nga iga pasaka batok sa suspetsado.
Samtang, padayon pa ang pag pangita kay Norbe Almeda, 22, matapos ini ang nakit-an nga nalumos sang ini ang mag dive sa madalum nga bahin sang busay pasado las 2:30 ang takna sang hapon.
Suno sa iloy sang biktima nga si Feebe Almeda, ang iya anak ang nag desider nga mag paligo sa busay matapos nga ini ang mag panyaga upod sa mga himata nga nag excursion sa amo nga resort.
Sa pag dive sang biktima, ini ang nakit-an ni Jerey Ben Jornada nga nag kapa-kapa kag nalumos.
Guin tinguhaan pa nga salbaron sini ang abyan apang ini naman ang napaslawan bangud sa kakusog sang current sang tubig.
Suno naman sa security guard on-duty sang Mag-aso Falls, ginadumili-an ang tanan nga bisita sang amo nga resort nga mag kadto sa falls bangud sa makusog nga current sang tubig apang ang iban ang tigayon nga maka lusot sa guardia kag mag paligo sa nasambit nga busay.
